Мбаппе: Дембеле билан муаммом йўқ

Мадриднинг «Реал» клуби ва Франция терма жамоаси ҳужумчиси Килиан Мбаппе миллий жамоадаги жамоадоши, ПСЖ форварди Усмон Дембеле билан ўртасида можаро борлиги ҳақидаги миш-мишларга муносабат билдирди.

- Менинг «Олтин тўп» ҳақида айтган гапларим туфайли Дембеле билан муаммолар бор, дейишяптими?

Усмон билан ўртамизда умуман ҳеч қандай муаммо йўқ. У билан аллақачон гаплашганман, у менинг дўстим, ҳеч қандай зиддият йўқ. 

Франция терма жамоаси ўйинлари учун халқаро танаффус бошланиши биланоқ, одамлар доим қандайдир можаро топишга уринишади, — дея Мбаппе сўзларини келтиради L'Equipe.

Эслатиб ўтамиз, ҳозирги кунда «Олтин тўп» соҳиби Усмон Дембеле ҳисобланади.

«Олтин тўп»ни топшириш маросими 26 октябрь куни Лондон шаҳрида (Англия) бўлиб ўтади.