Мбаппе, додингни Моуриньо беради!

Килиан Мбаппе “Реал”да “тегиб бўлмайдиган” футболчи мақомидан маҳрум қилинди.  “Қироллик клуби”га яқин бўлган журналист Хосе Феликс Диас клуб раҳбариятининг ҳужумчи Килиан Мбаппега бўлган муносабати ҳақида гапирди.

- Жозе Моуринью “Реал”нинг янги бош мураббийига айланади ва жамоада тартиб ҳамда назоратни тиклашни ўз зиммасига олади. Агар бунга эришиш учун катта ўзгаришлар керак бўлса, клуб уларни амалга оширади.

“Реал” ҳали ҳам Килиан Мбаппени муҳим футболчи деб ҳисоблайди, аммо энди клубда ҳеч ким тегиб бўлмайдиган мақомга эга эмас. Криштиану Роналду ва Серхио Рамос билан боғлиқ ҳолатлар буни исботлаган, - деди журналист.

Аввалроқ, “Реал”да Килиан Мбаппенинг жамоадан узоқлашиб қолгани ва бош мураббий Альваро Арбелоа билан ўзаро муносабатлари ямонлашгани ҳақида хавотирли маълумотлар чиққан эди.