Мбаппе финалда ўйнайдими? Анчелотти жавоб берди

"Реал Мадрид" бош мураббийи Карло Анчелотти жамоа ҳужумчиси Килиан Мбаппенинг "Пачука"га қарши бўладиган ўйинда иштирок этиши мумкинлиги ҳақида фикр билдирди.

"Килиан кеча машғулот ўтказди ва ўзини яхши ҳис қилди. Ҳамма нарса яхши ўтди. Бугунги машғулотда ҳам уни кузатамиз. Биз оптимистик кайфиятдамиз", – деди италиялик мутахассис матбуот анжуманида.

Эслатиб ўтамиз, Мбаппе Испания чемпионатининг "Райо Вальекано" (3:3) билан кечган ўтган ўйинини жароҳати сабабли ўтказиб юборган эди.

Эртага, 18-декабр куни, ФИФА ўтказадиган Қитъалараро кубок финали бўлиб ўтади. Унда "Реал" Мексиканинг "Пачука" клуби билан тўқнаш келади.