Мбаппе "ЖЧ-2026"дан сўнг мухлисларга мурожаат қилди

Франция терма жамоаси ҳужумчиси Килиан Мбаппе жаҳон чемпионати–2026 якунланганидан сўнг ижтимоий тармоқларда мухлисларга мурожаат қилиб, очиқ хат эълон қилди.

«Кубокни уйга олиб кела олмадик, бу менга жуда оғир ботяпти – буни яшира олмайман, – деб ёзади Мбаппе. – Албатта, турнирдa энг кўп гол урган футболчи бўлганимдан фахрланаман. Лекин агар жаҳон чемпиони бўлганимизда, бу ҳиссиётлар бутунлай бошқача, янада ёқимли бўларди.

Сизлар, Франция мухлислари, жуда чиройли финалга лойиқ эдингиз. Аммо ҳикоянинг қандай якун топишини ҳамиша ҳам ўзиңиз танлай олмайсиз. Биз майдонда қўлимиздан келган барча ишни қилдик ва шу учун ўзимиздан мамнунмиз», – дея таъкидлади у.

Мбаппе шу муносабат билан жамоадошларига ва жаҳон чемпионатидан сўнг терма жамоани тарк этган бош мураббий Дидье Дешамга алоҳида миннатдорлик билдирди.

Эслатиб ўтамиз, Килиан Мбаппе ЖЧ–2026нинг энг яхши тўпурарига айланди – у мусобақа давомида 10 та гол урди. Франция ярим финалда Испанияга 0:2 ҳисобида мағлуб бўлди, учинчи ўрин учун баҳсда эса Англияга 4:6 ҳисобида ютқазди.