Мбаппе нечта ўйинга дисквалификация қилинди?
Shahzod
"Пари Сен-Жермен" ҳужумчиси Килиан Мбаппе Франция чемпионати 4-турида "Ним"га қарши (4:2) ўйиндаги номақбул хатти-ҳаракати учун 3 та ўйинга дисквалификация қилинди.
Франция Профессионал Футбол лигаси расмий сайти тарқатган хабарга кўра, у жамоасининг "Сент-Этьен" (14 сентябр), "Ренн" (23 сентябр) ва "Реймс"га қарши учрашувларида майдонга туша олмайди.
19 ёшли футболчи 29 сентябр санасида "Ницца" билан кечадиган беллашувда парижликларга ёрдам бериши мумкин.
Маълумот учун, Мбаппе бу мавсум Франция чемпионатида 4 та ўйинда иштирок этди ва шунча гол киритиб, яна иккита голга ассистентлик қилди.

Изоҳлар (0)