Мбаппе ўрнини Холанд эгаллайди

Яқинда “Реал” раҳбарияти келаси ёзда Килиан Мбаппени олишга ҳаракат қилмаслиги ҳақида маълумотлар тарқатилган эди.

Янги хабарларга кўра, мадридликлар “Манчестер Сити” тўпурари Эрлинг Холанд трансферини мўлжаллаяпти.

Испаниянинг AS нашри “Реал” норвегиялик тўпурар учун 200 миллион евро миқдорида харажат қилишга тайёрлигини ёзмоқда.

Мадридликлар режасида лойиҳага Мбаппе ва Холандни бирга жалб қилиш варианти ҳам. Нима бўлган тақдирда ҳам, “Реал”  келаси ёз катта трансферларга қўл уриши кутиляпти.