Мбаппе: «Роналду ва Месси бунинг мумкинлигини кўрсатишди»
Килиан Мбаппе Франция терма жамоаси сафида 66 та гол уриб, жамоа тарихида энг кўп гол урган футболчига айланди.
Франция терма жамоасининг етакчи юлдузи Килиан Мбаппе миллий жамоа сафида 100 та гол уриш имконияти ҳақидаги саволга жавоб берди.
«Иккита йигит бор – Роналду ва Месси. Улар бу нарса амалга ошиши мумкинлигини аллақачон исботлаб қўйишган. Агар бу ҳақда олдинроқ сўраганингизда, эҳтимол, “йўқ” деб жавоб берган бўлардим. Лекин энди бу иккиси йўл очиб берди. Нега энди мен ҳам у ерга етмаслигим керак?» – дея 27 ёшли Мбаппенинг сўзларини The Touchline нашри келтиради.
Ҳозирги пайтга келиб, Килиан Мбаппе Франция терма жамоаси таркибида 66 та гол урган. У «уч ранглилар» тарихида энг кўп гол урган футболчи ҳисобланади. Унгача бу рекорд Оливье Жируга тегишли бўлиб, у Франция терма жамоаси учун 57 та гол муаллифи бўлган.
Изоҳлар (0)