Мбаппе Роналдудан ўтолмайди!

Франция терма жамоасининг собиқ ҳужумчиси Николя Анелька ҳамюрти Килиан Мбаппенинг “Реал”га кўчиб ўтганига муносабат билдирди.

- “Килиан Мбаппега “Реал”да Криштиану Роналду эришган кўрсаткичларга етиш осон бўлмайди. Лекин бу унинг фақат ўзига боғлиқ. Килиан португалиялик юлдуз қайд этган статистикани янгилаши керак.

Лекин Мбаппе футбол тарихида из қолдириши керак, деган гап-сўзларни йиғиштирайлик. У бу ишни уддалаб бўлган, - деди Николья Анелька.

“Қироллик клуби” 3 июнь куни Килиан Мбаппе клуб аъзосига айланганини расман эълон қилди. Томонлар беш йиллик шартнома имзолаган.