Мбаппе Роналдуга мурожаат қилди

Килиан Мбаппе “Реал”нинг “Севилья”га қарши ўтказган учрашувида рақиб дарвозасига жамоасининг иккинчи тўпини киритди ва бу голни Криштиану Роналдунинг машҳур усулида нишонлади.

Бу франциялик ҳужумчининг 2025 йилдаги 59-голи бўлди ва Килиан бу кўрсаткич бўйича Криштиану Роналдунинг 2013 йили “Реал” таркибидаги тарихий рекордини такрорлади.

Шундан сўнг, Килиан Мбаппе португалиялик юлдуз ҳақида гапирди.

- Криштиану – менинг дўстим ва кумирим. Голни нишонлашни айнан унга бағишладим.  Криштиану бу ерга мослашишимда менга ёрдам берди. Унга ўзимнинг энг яхши тилакларимни етказмоқчиман ва Янги йил билан табриклайман.

Биз кўп мулоқот қиламиз ва бу жуда ёқимли бўлади. Менинг голни ўзимга хос нишонлаш услубим бор, аммо айнан шу голни унга бағишлашни истадим ва унинг усулида нишонладим, - деди Килиан Мбаппе.