Мбаппе янги мавсумни қаерда бошлаши фош бўлди
El Chiringuito TV журналисти Хосеп Педрероль ПСЖ ҳужумчиси Килиан Мбаппе янги мавсумни қайси жамоада бошлашини аниқлаганини таъкидлади. Унинг сўзларига кўра, ПСЖ ҳарчанд уринмасин 23 ёшли ҳужумчини ушлаб қололмайди.
Бир неча кун олдин парижликлар Мбаппега янги шартнома бўйича сўнгги таклифини бериб, икки мавсум учун 80 миллион евро маош ваъда қилганди. Манбанинг таъкидлашича, бу ёш ҳужумчини тўхтата олмайди.
Килиан Мбаппе “Реал” билан шартнома имзолаши ва келаси мавсумни мадридликлар сафида бошлаши айтиляпти.
Мбаппе жорий мавсумда парижликлар сафида барча турнирларда 27 та учрашув ўтказиб, 19 та гол ва 15 та голли узатма муаллифи бўлди.
Фикрлар