Mbappedan “frantsuzcha” rekord

“Real” Ispaniya kubogi doirasida o‘tkazilgan uchrashuvda “Selta” bilan kuch sinashdi. Nimchorak final bahsining asosiy vaqti 2:2 hisobida durang bilan yakunlandi. Qo‘shimcha taymlarda madridliklar mehmonlar darvozasini yana uch marotaba ishg‘ol qilib, keyingi bosqichga o‘tdi.

Statistika ekspertlari “Real” o‘yinchisi Kilian Mbappe qayd etgan natijaga e’tibor qaratdi.

Bellashuvda hisobni ochgan frantsiyalik hujumchi joriy mavsumda oltinchi musobaqada gol urishga muvaffaq bo‘ldi.

25 yoshli to‘purar o‘tgan yoz “Real”ga qo‘shilganidan beri Ispaniya chempionati, kubogi, Superkubogi, Evropa Chempionlar ligasi, qit’alararo kubok va UEFA Superkubogi kabi turnirlarda o‘z nomiga gol yozdirib qo‘ydi.

2022-2023 yilgi mavsumda xuddi shu ko‘rsatkichni “Real”ning frantsiyalik  avvalgi hujuchisi Karim Benzema qayd etgan edi.