Флик: Мен Бальденинг клубдан кетишини сўрамаганман

«Барселона» бош мураббийи Ханс-Дитер Флик жамоа таркибига чап қанот ҳимоячиси Алехандро Бальде киритилмагани бўйича ўз изоҳини берди.

22 ёшли футболчи «Эльче»га қарши ўйинни мураббий қарорига кўра ўтказиб юборди. Бу ҳақда Фликнинг ўзи маълум қилган эди.

«Мен Бальдега клубдан кетишни айтганим йўқ. Унга бир кун дам олиш кераклигини айтдим, шундан кейин яна ўтирамиз-да, суҳбатлашамиз», – дея аниқлик киритди Флик учрашувдан сўнг бўлиб ўтган матбуот анжуманида.

«Барселона» ушбу баҳсда «Эльче»ни йирик ҳисобда мағлуб этди – 5:0. Каталонияликлар таркибида Рафинья Диас ва Фермин Лопес иккитадан гол урди, яна бир тўпга Карим Адейеми муаллифлик қилди.

Алехандро Бальдега нисбатан жиддий қизиқиш билдирилаётган клублар орасида «Манчестер Юнайтед» номи тилга олинмоқда.