Мераб Двалишвилининг заиф жиҳатини нимада?

 Таниқли мураббий Фирас Захаби ўта енгил вазн тоифасида UFC чемпиони Мераб Двалишвилининг заиф жиҳатини айтиб ўтди.

"Мераб ажойиб кардиога эга. Аммо ҳеч қачон жангни эрта якунлашга шошилмайди. Фаолиятидаги 18 та ғалабадан 14 таси ҳакамларнинг қарорига кўра бўлгани ҳам буни кўрсатиб турибди. Двалишвилининг исталган рақибни енгишига ишонаман, лекин сабмишшин орқали эмас. Буни фактлар ҳам исботламоқда. Грузиялик фақат бир маротаба сабмишшин билан ғалаба қозонган, холос. Мераб учун партирда курашиш бироз қийинроқ", - деди Захаби Tristar Gym You Tube каналига берган интервьюсида.

Эслатиб ўтамиз, 15 сентябрь куни АҚШ да бўлиб ўтган "UFC 306" турнирида Мераб Двалишвили Шон О'Мэллини ҳакамларнинг якдил қарорига кўра енгиб, ўта енгил вазн тоифасида UFC чемпионига айланди.