Месси, бу масалада Роналдудан дарс ол!

Статистика мутахассислар ҳали ҳамон Криштиану Роналду ва Лионель Мессининг футболдаги маҳорати ва натижаларини ўзаро солиштиришни канда қилаётгани йўқ.

Қизиғи шундаки, ҳар икки футболчи Европани тарк этган бўлса-да, жаҳон бўйлаб мухлису мутахассислар эътибори уларда турибди.

Криштиану Роналду Саудия Арабистони чемпионатининг учинчи турида “Ал-Фотиҳ” жамоаси дарвозасини уч маротаба ишғол қилиб, “Ан-Наср”нинг 5:0 ҳисобидаги ғалабасига катта ҳисса қўшди. Яна икки тўпни Садио Мане киритди.

Бу учта гол португалиялик юлдуз учун профессионал фаолиятидаги 63-хет-трик бўлди.

Статистика мутахассислар хет-триклар бўйича Лионель  Мессининг натижаларига эътибор қаратди. Бу борада “Интер Майами” футболчисига айланган аргентиналик тўпурар 57 та хет-трик билан иккинчи поғонада.