Месси ажойиб серияни тўхтатмаяпти
Қариганда ўйини очилиб кетди
«Интер Майами» ҳужумчиси Лионель Месси яна майдонни гол ёки голли пассиз тарк этмади. 39 ёшли юлдуз МЛС доирасидаги «Нэшвилл»га қарши учрашувнинг 62-дақиқасида рақиб дарвозасини ишғол этиб, ҳисобни 2:1 қилди.
Аммо ушбу устунликни сақлаб қолишнинг иложи бўлмади: ўйин охирида меҳмонлар Сэм Сарриджнинг голи ҳисобига дурангни қўлга киритишди. У шу ўйинда дубль расмийлаштирди.
Месси кетма-кет етти ўйиндан бери майдонни гол ёки ассист билан тарк этмоқда. Шу давр мобайнида аргентиналик форвард 6 та гол урди ва жамоадошларига 4 бор ҳал қилувчи пас берди.
Лионель Месси ҳозирча МЛС тўпурарлари рўйхатида 19 та гол билан пешқадам. Шу билан бирга, у 11 та голли пас билан лигадagi энг яхши ассистент сифатида ҳам биринчи ўринни эгаллаб турибди.
Изоҳлар (0)