Месси «Барса»да қоладими?!

«Атлетико» (2:0), «Ювентус» (3:0), «Рома» (3:0), «Ливерпуль» (4:0), «Бавария» (8:2), энди – 5:2! Очиғи, ЕЧЛ плей-оффида омадсиз тўп суриш «Барселона» учун одат тусига кириб бўлди. 6 йилдан бери «шалпангқулоқ» учун курашда «Барселона»ни «янчиб» ташлашмоқда. Ҳар сафар турли баҳоналар янграйди. Бугун ҳам янги президент келажакдаги режалари билан ўртоқлашди. Ўз-ўзидан савол туғилади. Бу келажакда Мессига жой борми?

 Лео афсона

lpytljptyljtyj

Каталония клуб Париждаги ўйинда анча тетик кўринди. Вазиятлар яратди, ўйинни ўз томонига оғдириб олмоқчи бўлди. Биринчи учрашувдан фарқли ўлароқ, «Барса» жавоб учрашувини мазмунли ўтказди. Балки, шу йўсинда «Камп Ноу»даги аламли мағлубиятни ювмоқчи бўлишгандир. Буниси бизга қоронғи.

90 дақиқа давомида «Барселона»нинг муаммолари яққол кўзга ташланиб қолди. Сўнгги зарбани бериши керак бўлган футболчи йўқ. Усмон Дембеле сўнгги зарбани бериш бобида жуда нўноқ эканлигини исботлади. Тўғри, икки бор яхши пасни ижро этди, аммо ким ҳужумни якунлайди? Дест нималардир қилишга уринди, бироқ фойдасиз. Антуан Гризманн эса, 120 миллионнинг соясида қолиб кетди. У бутун ўйин давомида икки бор зарба йўллади. Таянч зонасидаги Бускетсда бундай зарбалар сони 4 та!

Жамоавий ўйин бобида «Барселона»га ҳеч қандай эътироз йўқ, бироқ Луис Суарес нега қўйиб юборилди? Нега Агуэро ўз вақтида жамоага қўшиб олинмади? Бу саволлар ҳавода муаллақ туриб қолиши аниқ. Сўнгги зарбани берувчи футболчи йўқлиги боис, ҳужумлар чўзилиб кетмоқда. Оқибатда, Лео 37 метр узоқликдан дарвозани нишонга олди. Бошқачасига таркибдаги йигитлар билан гол киритиш имконсиз эди. Месси ҳали курашдан чиқмаганини кўрсатди, бироқ қолган дақиқаларда унга ҳеч ким ёрдам бермади. Лео бир ўзи ҳаммани енгиши имконсиз.

Кеча «Барселона»нинг нафақат ҳужум, балки ҳимояси ҳам панд берди. Клеман Лангленинг  эҳтиётсизлиги пенальтига сабаб бўлди. Оқибатда, руҳан устунлик Париж клуби томонига ўтиб кетди. Ярим ҳимоядагиларга ҳам етарлича эътирозлар мавжуд. Улар бутун ўйин давомида очиқ зоналар яратиш ва прессингда бош ҳаракат қилишди.

Табассум ва чалинган қарсаклар

kerokgoekrge

Аслида, Месси яна битта гол уриши мумкин эди, бироқ учрашув қаҳрамони бўлиш бошқа футболчига насиб этган экан. ПСЖ кипери Кейлор Навас 90 дақиқа давомида ишончли кўринди. Коста-рикалик посбон ўйин давомида 9 та зарбани бартараф этди. У Месси ижро этган пенальтини қайтарди, «Барселона»нинг стандартларида ишончли ҳаракат қилди. Умуман олганда, ўйиннинг энг яхши футболчиси учун берилган совринни ҳақли қўлга киритди.

Учрашувдан сўнг, Леони барча трансляция режиссёрлар экранга олиб чиқишга уринди. У юзда табассум билан мулоқот қилди. Ди Мария билан узоқроқ сўзлашиб қолди. Кейин, Почеттино билан ҳам алланималарни гаплашиб олди. Ушбу кадрлардан сўнг, барча Леони Парижда кутишаётганини ҳис этди.

Каталонияда эса, вазият ўзгарди. Лапорта сайловда ғалаба қозонди. У клубни аввалги даражасига қайтаришни ваъда берди. Энди менежмент ва трансфер бозоридаги ишлар яхшиланишини алоҳида эътироф этди. Қарзлар ботқоғига ботиб қолган жамоа учун янги ҳаво жуда муҳим. Лапорта Мессисиз ҳеч нарса қила олмаслигини яхши билади. У нима қилиб бўлсада, аргентиналикни жамоада олиб қолиш тарафдори.

Жоан «Барселона» аъзолари бир оила эканлиги ҳақида бот-бот сўзламоқда. У шу йўсинда, Мессини жамоа тарихида абадий қолишга даъват этмоқда. Мухлислар ҳам Мессисиз «Барса»ни тасаввур қила олмайди. Унинг кетиши клуб учун қақшатқич зарба бўлади. Майли натижалар оз ўрнига, бироқ Лео бу афсона! Унинг жамоада эканлигининг ўзиёқ, Каталония клубини бошқалардан ажралиб туришига хизмат қилади.

зрндеоленое

Испан нашрларининг маълум қилишича, Лапорта ва Месси илиқ муносабатда. Президент аллақачон клуб сардори билан Куманнинг истеъфоси ҳақида фикр алмашган. Маълумотларга қараганда, голландиялик мутахассиснинг кетиши ҳақиқатга яқин.

Лапорта сайловларда ғолиб чиққач, илк берган интервьюсига яхши тайёрланган кўринади. Қисқа сўзлар орасида янги президент кўплаб воқеаларга шаъма қилиб ўтди. У «Барселона»ни худди Месси сингари яхши кўришини бир неча бор таъкидлади. Катта эҳтимол билан, бу сўзлар ўзини оқлайди. Месси қолиши аниқ, бироқ натижалар бу билан ўзгариб қолмайди. Бунинг учун таркибни кучайтириш лозим. Лапортанинг аввалги даврини ёдга олсак, Каталония клубидан кичик мўъжиза кутишдан умид қилиш мумкин.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар