Месси бор экан, Роналдуга ўрин йўқ

Илия Топурия Лионель Мессини Майамидаги жангига таклиф қилмоқчи. Бу ҳақда "Marca" нашри хабар берди.

UFC жангчиси Криштиану Роналдудан кўра Мессини афзал кўришини айтди.

- Криштиану Топурия ҳаддан ташқари кўп гапиради, деб айтди. Бунга фикрингиз қандай?

- Бу менга чиндан ҳам тушунарсиз. У менинг кўп вайсашимни айтди. Мен буни Хуанма Кастано (спорт шарҳловчиси) айтганида тушунар эдим. Бироқ, Криштианудан бундай гапни эшитиш миямга сиғмайди. Сабаби, доим кўп гапириб юборадиган Роналду учун бу ўринли эмас.

Мен Майамидаги жангимга шахсан Мессини таклиф қилардим. Хуллас, Месси бор экан, Криштиану керак эмас, - деди Топурия "El Partidazo de COPE" дастурида.