Месси “даҳшатли” рекорд ўрнатди

Лионель Месси МЛС кубоги ярим финал учрашувида тарихий рекорд ўрнатди. Бу баҳсда “Интер Майами” жамоаси “Нью-Йорк Сити” футболчилари билан куч синашиб, ўйинда 5:1 ҳисобида зафар қучди.

Саккиз карра “Олтин тўп” соҳиби Лионель Месси голли пас узатиб, ғалабага ҳисса қўшди.

Бу ассист аргентиналик юлдуз номини яна футбол тарихига муҳрлади. Месси 405-ассистентини қайд этиб, жаҳон футболида бу кўрсаткичга эришган ягона футболчига айланди.

Аввалги рекорд венгриялик афсона Ференц Пушкашга тегишли бўлиб, у футболчилик даврида жамоадошларига жами 404 та голли пас узатишни уддалаган эди.

Бундан буёғига Мессининг ҳар бир ассисти янги рекорд сифатида қайд этилаверади.

38 ёшли футболчи жорий мавсумда барча турнирларда 40 та учрашувда майдонга тушиб, рақиблар дарвоўасини 38 марта ишғол қилди ва 22 та голли пас муаллифи бўлди.