Месси финалдаги мағлубиятдан кейин тилга кирди

Аргентина терма жамоаси етакчиси Лионель Месси футбол бўйича 2026 йилги жаҳон чемпионати финалида Испания терма жамоасидан мағлубиятга учраганидан сўнг ўз фикрларини билдирди.

- Албатта, қайғули ҳолат. Лекин шуни яхши тушуниб турибманки, биз майдонда бор кучимиз билан ўйнадик. 

Ростини айтсам, бу баҳсда Испания биздан яхшироқ ўйин кўрсатди. Биз ютқаздик ва бу натижани тан оламиз. 

Лекин бунгача босиб ўтган йўлимиз, қилган ишларимизни унутиб қўямиз, дегани эмас. Шунинг учун ўзимнинг халқимга, жамоадошларимга ва бутун мамлакатга миннатдорлик билдираман, — дея Мессининг сўзларини келтиради ESPN.

Эслатиб ўтамиз, 2026 йилги жаҳон чемпионати финалида Аргентина Испанияга 0:1 ҳисобида мағлуб бўлди. Учрашув тақдирини ҳал қилган ягона гол 106-дақиқада Ферран Торрес томонидан урилди. 

Лионель Месси ушбу мундиалда саккизта гол ва тўртта голли узатма муаллифи бўлди. Бу сафар жаҳон чемпионати тарихда илк бор 48 та терма жамоа иштирокида ва бир вақтнинг ўзида учта давлат — АҚШ, Мексика ва Канада ҳудудида ўтказилди.