Messi katta ishga qo‘l urdi

“Inter Mayami” hujumchisi Lionel Messi MLSni Evropaning eng kuchli besh chempionati darajasiga ko‘tarilishiga ishonmoqda.

- Men MLSda dunyoning eng kuchli ligalari qatoriga qo‘shilish uchun imkoniyat bor, deb hisoblayman. Hozir o‘sishning ayni vaqti keldi.

Bu mamlakatda muhim musobaqalar o‘tkaziladi. Bu erda futbol eng yuqori darajaga chiqishi uchun hamma sharoit yaratilgan, - dedi Lionel Messi.

Bundan avvalroq, Saudiya Arabistoni klubiga ko‘chib o‘tgan Krishtianu Ronaldu ushbu mamlakat ligasi tez orada kuchli beshlik chempionatlari qatoriga qo‘shilishini ta’kidlagan edi.

Evropada o‘zaro raqobatlashgan ikki yulduz endi AQSh va Saudiya Arabistoni futbolini ko‘tarishga bel bog‘lagan bo‘lib chiqyapti.