Месси: Менинг жойим ўша ерда

Лионель Месси фаолиятини якунлагач, Барселонада яшашни истайди. Бу ҳақда футболчининг оиласига яқин бўлган аргентиналик журналист Янина Латорре хабар берди. 

"Мен ундан Майамида қолмайсизми, деб сўрадим. У эса: "Йўқ, йўқ. Менинг жойим ўша ерда", дея жавоб берди. 

У фаолиятини якунлагач, ўзини доим бахтли ҳис қилган шаҳри, Барселонага қайтишини айтди", - деди Латорре "La Nacion" нашрига берган интервьюсида. 

Биласиз, Месси фаолиятининг катта қисмини, яъни 2003 йилдан то 2021 йилгача бўлган муддатни "Барселона" сафида ўтказган.