Месси мухлисларини хурсанд қилди

ПСЖ ҳужумчиси Лионель Месси Париж клубидаги ўйини ўтган мавсумдагига қараганда анча яхшиланганини айтди.

- Ўзимни ўтган мавсумдагидан анча яхши ҳис қиляпман ва шундай бўлишини билардим. Аввалги йили ўз ўйинимни тополмадим. Бу гал ундай эмас. Ҳозир клубга, жамоага, ўйин услубига ва футболчиларга анча мослашиб олдим, - деди Лионель Месси.

Аргентиналик юлдуз аввалги мавсумда ПСЖ сафида 34 та учрашувда 11 та тўп киритганди. Бу унинг фаолиятидаги энг паст кўрсаткич.

Бу мавсумда эса, Месси ўн битта ўйинда рақиблар дарвозасини олти маротаба ишғол қилишга муваффақ бўлди.