Месси “Олтин тўп”ларни қаерда сақлашини айтди

Лионель Месси мавсумнинг энг яхши ўйинчисига бериладиган нуфузли соврин – “Олтин тўп”ни энг кўп –етти маротаба қўлга киритган футболчи ҳисобланади.

Айни пайтда АҚШда “Интер Майами” жамоаси шарафини ҳимоя қилаётган аргентиналик юлдуз бу совринларини қаерда сақлаётганини айтди.

- Менда нимаики бўлса, уларнинг ҳаммасини Барселона шаҳридаги музейимда сақлайман.  “Олтин тўп”лар, олтин бутсалар, футболкалар ва қолган барча нарсаларнинг ҳаммаси ўша ерда сақланади, - деди Лионель Месси.

Лионель Месси фаолияти давомида барча нуфузли совринларни қўлга киритган. У жаҳон ва қитъа чемпиони,  Европа Чемпионлар лигаси, клублар ўртасидаги жаҳон чемпионати, Испания ва Франция чемпионатлари ғолиби ҳисобланади.