Месси ўзига энг катта таъсир ўтказган футболчи номини айтди

“Футболдаги энг нуфузли индивидуал соврин – “Олтин тўп”ни саккиз маротаба қўлга киритган Лионель Месси фаолиятига катта таъсир қилган футболчи номини айтди.

- Роналдиньо менинг фаолиятимга ҳаммадан кўпроқ таъсир ўтказган. Айниқса, фаолиятим бошида унинг мени қандай қабул қилгани ҳамда ёрдам берганини эътироф этишим лозим.

Шунингдек, менга Андрес Иньеста ва Хавининг номига қўшиб, ҳозир “Интер Майами”да ёнимда турган Серхио Бускетс, Жорди Альба ва Луис Суаресни ҳам айтишим мумкин.

Буларнинг бари менинг энг яқин дўстларимдир, - деди Лионель Месси.

Европадаги фаолияти давомида “Барселона” ва “Пари Сен-Жермен” клублари шарафини ҳимоя қилган 37 ёшли Месси 2023 йилнинг ёзидан бери “Интер Майами”да тўп тепиб келади.