Месси ўзининг сирини очди

“Интер Майами”да тўп тепаётган Лионель Месси профессионал фаолиятини яна қанча давом эттириши футбол жамоатчилигини қизиқтириб келаётган масалалардан ҳисобланади.

Саккиз карра “Олтин тўп” соҳиби бу масалага ўзи ойдинлик киритиб, футболдаги мақсадларини очди.

- Аввал ҳам айтганимдек, бор эътиборимни айни пайтдаги фаолиятимга қаратганман. Шунга қарамай, агар жаҳон чемпионати ҳақида ўйламаяпман десам, ёлғон гапирган бўламан. Мен мундиалда қатнашишни ўйлаяпман.

Бироқ бу мавсум келажагим ҳақида якуний қарор қабул қилишимда муҳим аҳамият касб этади. Мен керакли даражани ушлаб туришим лозим, - деди Лионель Месси.

37 ёшли футболчи халқаро фаолиятини 2005 йили бошлаган. Шундан бери Аргентина терма жамоаси сафида 191 та учрашувда иштирок этиб, рақиблар дарвозасига 112 та тўп киритган. Бу кўрсаткич бўйича Месси фақатгина Криштиану Роналдудан орқада холос.