Месси ПСЖда нега 30-рақамда ўйнаганини айтди

Футбол мухлислари Лионель Мессини 10-рақам остида тўп тепишига кўникиб қолган. Бироқ Парижда икки йўл ўйнаган аргентиналик юлдуз 30-рақамда майдонга тушди.

Эндиликда “Интер Майами” футболчисига айланган Лионель Месси Парижда нега 30-рақамни танлаганини тушунтириб берди.

- ПСЖга ўтган пайтимда 10-рақам банд эди. Уни Неймар олган. Шу боис бошқа – 30-рақамни олдим. Бу рақамнинг ҳам мен учун аҳамияти катта . Чунки фаолиятимни айнан мана шу рақамда бошлаганман, - деди Лионель Месси.

Лионель Месси 2005-2021 йиллар давомида “Барселона”да тўп тепган. Кейинги икки йилни у ПСЖда ўтказди. Ҳозир “Интер Майами”да ўйнаётган аргентиналик юлдуз энг кўп соврин ютган ўйинчи ҳисобланади.

Месси ҳозирга қадар 44 та соврин соҳибига айланган. Шунингдек, энг нуфузли индивидуал соврин – “Олтин тўп”ни саккиз марта қўлга киритди.