Месси қандай натижа қайд этганини биласизми?

Аргентина терма жамоаси ҳужумчиси Лионель Месси учун 2026 йилги жаҳон чемпионати 1/8 финалидаги ўйин карьерасидаги навбатдаги тарихий беллашувга айланди. Унинг жамоаси Миср термасига қарши ўйинда 0:2 ҳисобида ортда бораётганига қарамай, иродали тарзда 3:2 ҳисобида ғалаба қозонди. Бу учрашув Мессининг жаҳон чемпионатлари тарихидаги 31-ўйини бўлди.

Мисрга қарши баҳсда Месси бир гол урди ва бир голли пас берди. Шу тариқа унинг жаҳон чемпионатларидаги умумий самарали ҳаракатлари сони 30 тага етди: 21 та гол ва 9 та голли узатма.

Қизиғи шундаки, ушбу гол Месси учун жаҳон чемпионатларидаги шахсий рекордини янгилади. Миср дарвозасига йўл олган тўп аргентиналик юлдузнинг жорий мусобақадаги саккизинчи голи бўлди. Илгариги шахсий рекорди 2022 йил Қатарда ўтган жаҳон чемпионатида урилган етти гол эди.

Ҳозирги пайтга қадар Месси 2026 йилги мундиал доирасида ҳар бир ўйинда гол урмоқда. У Миср, Кабо-Верде ва Иордания дарвозаларига биттадан гол киритди, Австрияга қарши ўйинда дубль қайд этди, Алжирга қарши учрашувда эса хет-трик муаллифи бўлди. Шу натижалар туфайли у мусобақанинг энг яхши тўпурарлари пойгасида пешқадамлик қилмоқда.

Чемпионатнинг  1/4 финалида Аргентина терма жамоаси Швейцария миллий жамоасига қарши майдонга тушади.