Месси рақибига қўл кўтарди. МЛС уни четлатиши керак
Афсонага қандай жазо берилади?
«Интер Майами» сардори Лионель Месси МЛС чемпионияти доирасидаги ўйинда «Филадельфия Юнион» ярим ҳимоячиси Куинн Салливан билан юзага келган можаро учун жазоланиши мумкин.
Учрашув 2:2 ҳисобида якунланган. Иккинчи бўлимда тўп ўйиндан ташқари бўлган вазиятда Месси ва Салливан ўртасида тортишув келиб чиққан. Ижтимоий тармоқларда тарқалган видеолавҳаларда аргентиналик футболчи рақибини очиқ кафт билан бош орқа томонидан уриб юборгани, шундан сўнг икки футболчи бир-бирига юзма-юз келиб, кескин баҳслашгани кўриниб туради.
Ҳакам ўйин давомида Мессига нисбатан ҳеч қандай чора кўрмаган. Бироқ ушбу эпизод эндиликда МЛС интизом қўмитаси томонидан орқага қайтиб кўриб чиқилиши мумкин. Қўмита видеоязувни таҳлил қилиб, «Интер Майами» ҳужумчисига нисбатан расмий жазо қўллаш- қўлламаслик юзасидан қарор қабул қилади.
Агар Месси айбдор деб топилса, унга жарима солиниши ёки бир ўйинга дисквалификация қўлланилиши эҳтимолдан холи эмас.
Изоҳлар (0)