Месси сўнгги баҳсда нега майдонга тушмади?

"Интер Майами" мураббийи Хавьер Маскерано Лионель Мессининг "Хюстон Динамо"га қарши ўйинда иштирок этмаганлиги ҳақида гапирди.

- Ҳеч бир футболчи ўз ҳолатини Месси каби яхши билмайди. Олти кун ичида учта ўйиндан сўнг, Лионелга дам бериш керак деган хулосага келдик. Айниқса, бир неча соат давом этадиган сафар пайтида, - дея мутахассис сўзларини келтирди ESPN.

Эслатиб ўтамиз, "Интер Майами" сафарда 4:1 ҳисобида ишончли ғалабани қўлга киритди. Месси 2023 йилнинг ёзида Флорида жамоаси сафига қўшилган эди. Томонлар ўртасидаги амалдаги шартнома муддати жорий йил охирида якунланади.