Месси: "У ерда 10 кун машғулот ўтаганман"

"Барселона" клуби собиқ юлдузи Лионель Месси фаолиятининг дастлабки босқичида "Ривер Плейт" клуби академиясига кира олмагани ҳақида гапирди. 

"Мен "Ривер Плейт"га кўрикдан ўтиш учун борганман. У ерда 10 кун машғулот қилиб уйга қайтган эдим. "Ривер"да менга уларнинг жамоасида қолишимни исташаётганини, даволаниш ва бошқа эҳтиёжлар учун ёрдам беришларини ва ётоқхонада яшашим кераклигини айтишди. Шу билан бирга, улар "Биз сиз билан ҳеч нарса қила олмаймиз, ортга қайтиб, "Ньюэллс Олд Бойс" дан рухсат олиб, бу ерга келишингиз керак", деб хабар беришди. Шундан сўнг "Ньюэллс"дан трансфер сўраб борганимда, улар менга рад жавобини беришди. Бу ҳолат менга қаттиқ таъсир қилди ва ҳамма нарса издан чиққандек эди", деди аргентиналик футболчи.

Маълумот учун, 38 ёшли футболчи айни вақтда "Интер Майами" клуби сардори ҳисобланади.