Месси уни соғинган экан

“Барселона” етакчиси  Лионель Месси Испания кубоги финалида “Атлетик” дарвозасига бир жуфт гол уриб, жамоасининг 4:0 ҳисобидаги ғалабасига катта ҳисса қўшди.

Учрашувдан сўнг, аргентиналик футболчи фаолиятидаги 35-совриннинг аҳамияти ҳақида гапирди.

- Совринни бошим узра кўтариш ёқимли бўлди. Бу мен учун бахтли кун. Мен учун шу жамоанинг сардори бўлиш жуда аҳамиятли. Бу ғалабамизни мухлисларимиз билан бирга нишонлай олмаётганимиздан афсусдаман. Биз ҳозир кучлимиз ва курашга тайёрмиз. Лекин, “эл-класико”ни бой берганимиз барибир ачинарли бўлди, - деди Лионель Месси.

“Барселона” ўз тарихида 31-маротаба Испания кубогини қўлга киритди. Бу мусобақанинг мутлақ рекорди ҳисобланади. Каталонияликларнинг финалдаги рақиби “Атлетик” бу совринга 23 марта эга чиққан ва бу кўрсаткич бўйича иккинчи ўринда.

Фикрлар

Фикр қолдириш учун авторизациядан ўтинг!