Мессини тансоқчисиз қолдиришди...

MLS раҳбарияти “Интер Майами” клуби ҳужумчиси Лионель Мессининг тансоқчиси Яссин Чеукога учрашувлар давомида майдонга югуриб чиқишни тақиқлади. Лига бу қарорини стадионларнинг ҳар бирида қўрқлаш хизмати фаолият юритаётгани ва уларга хавфсизликни таъминлаш учун қўшимча кучлар керак эмаслигини билан изоҳлади.

Таъкидлаш жоики, аргентиналик юлдузнинг тансоқчиси Месси билан суратга тушиш учун югуриб чиққан мухлисларни тўхтатиш учун бир неча бор майдонга киришига тўғри келган ҳолатлар кузатилди.

- Менга майдонга чиқишга рухсат беришмаяпти. Мен Европада етти йил фаолият юритдим, Лига 1 ва Чемпионлар лигасида ишладим. Бу муддат ичида олти киши майдонга югуриб чиқди. АҚШга келганимга 20 ой бўлди ва майдонга қочиб ўтиш ҳолатлари 16 марта юз берди.

Бу катта муаммо. Мен муаммо эмасман, Леога ёрдам беришимга қаршилик қилманг. Мен Америка лигасини яхши кўраман, биз ҳамкорликда ишлашимиз керак. Ёрдам беришни ёқтираман. Мен бошқалардан зўрман, демайман, лекин Европада ишлаш тажрибам бор, - деди Яссин Чеуко.

Эслатиб ўтамиз, Сеуко АҚШ армиясининг махсус қўшинларида хизмат қилган, Ироқ ва Афғонистонда жанговар тажрибага эга бўлган. Лионель Месси “Интер Майами”га кўчиб ўтганидан бери аргентиналик юлдузга тансоқчилик қилмоқда.