Микель Артета Винисиус билан боғланди

«Арсенал» бош мураббийи Микель Артета «Реал» ҳужумкор футболчиси Винисиус билан шахсий суҳбат ўтказгани хабар қилинмоқда.

Манбаларга кўра, мутахассис бразилиялик футболчига Лондон клуби учун мўлжалланаётган лойиҳасини тақдим этган. 

Артета Винисиусга унинг қўшилиши «Арсенал»ни янги босқичга олиб чиқишга ёрдам беришини таъкидлаган.

Ҳозирда Винисиус «Реал» билан шартномани узайтириш бўйича осон кечмаётган музокаралар олиб бормоқда. Томонлар ҳали умумий келишувга эриша олмаяпти.

Эслатиб ўтамиз, Винисиус «Фламенго» клубидан «Реал»га ўтган. Мадрид жамоаси 2018 йилда футболчи трансфери учун 45 миллион евро тўлагани қайд этилган.