«Милан»нинг янги бош мураббийи маълум

Португалиялик мутахассис Рубен Аморим яқин кунларда «Милан» жамоасининг янги бош мураббийи этиб тайинланиши кутилмоқда.

Футбол бўйича ишончли манбалардан бири саналган инсайдер Фабрицио Романо маълумотига кўра, томонлар ўртасида 41 ёшли мураббий билан шартнома борасида оғзаки келишувга эришилган. 

Унга кўра, Аморим билан тузиладиган шартнома 2028 йил июнигача амал қилади, келишувни 2029 йил июнигача узайтириш имконияти ҳам кўзда тутилган. Хабар қилинишича, мутахассис барча шартларни қабул қилган ва шу ҳафта «Милан»нинг янги бош мураббийи сифатида расман шартнома имзолайди.

Маълумот учун, ўтган мавсум Италия А Сериясида «Милан» чемпионатни бешинчи ўринда якунлади ва келаси мавсум учун Чемпионлар Лигаси йўлланмасига эга чиқа олмади. Рубен Аморим эса қишда «Манчестер Юнайтед» клуби бош мураббийлиги лавозимидан озод этилган эди.