Миразизбек Мирзаҳалилов "Губернатор кубоги" финалида мезбон боксчига қарши жанг қилди

"Губернатор кубоги"нинг финал баҳсларидан ўрин олган учинчи тўқнашув -57  кгда бўлиб ўтди. Ушбу вазн тоифасида ўзбекистонлик жаҳон чемпиони Миразизбек Мирзахалилов рингга кўтарилди. Унга россиялик Дмитрий Спивак рақиблик қилди. 

Кутилганидек, ушбу тўқнашув ҳам томошабоп ўтди. Якунда тажриба барибир ўз сўзини айтди ва ҳамюртимиз ғалаба қозониш билан бирга турнир ғолиблигини ҳам қўлга киритди. Бу Мирзахалиловнинг ушбу турнирда қўлга киритган иккинчи чемпионлиги бўлди. Маълумки, 2018 йилги ушбу турнир финалида Миразизбек Мирзахалилов ҳамда яна бир юртдошимиз Шаҳобиддин Зоиров ўзаро тўқнаш келган ва унда Мирзахалилов ғалаба қозонган эди. 

Шаҳобиддин Зоиров "Губернатор кубоги"да қозоғистонлик боксига қарши жанг қилди