Модрич Пушкашни ортда қолдирди

Лука Модрич "Реал" тарихида гол урган энг қария футболчига айланди. 

Кеча бўлиб ўтган "Валенсия" билан баҳсда 39 ёш-у 116 кунлигида "Валенсия" дарвозасини ишғол этди. Бунинг натижасида, "Реал" 2:1 ҳисобида зафар қучди. 

Шу тариқа, Модрич 1966 йилнинг 17 апрелида 39 ёш-у 15 кунлигида "Спортинг Хихон" билан Испания кубоги баҳсида "Реал" сафида гол урган Ференц Пушкашнинг рекордини забт этди. 

Айни вақтда "Реал" Ла Лига турнир жадвалида 43 очко билан пешқадам бўлиб турибди.