Моуриньo «Рома»дан кетишига сабаб бўлган можарони эслади

«Реал» бош мураббийи Жозе Моуриньo «Рома»нинг 2023 йилги Европа лигаси финалида «Севилья»дан мағлуб бўлганидан сўнг клуб раҳбарияти билан муносабатлари ёмонлашгани ҳақида гапирди.

Моуриньoнинг фикрича, рақиб футболчисининг қўлига тўп теккан вазиятда «Рома» пенальти ишлаб олган эди. Португалиялик мутахассис учрашувдан сўнг ҳакам Энтони Тейлор билан тортишиб қолган. Кейинроқ Тейлорга Будапешт аэропортида «Рома» мухлислари ҳужум қилиб, таҳдидлар қилган.

Мураббий ҳакам билан стадион туннелида юз берган воқеа учун масъулиятни ўз зиммасига олишини, аммо аэропортдаги ҳодисаларга алоқаси йўқлигини таъкидлади. Унинг сўзларига кўра, мазкур можаро клуб раҳбарияти билан муносабатларига ҳам таъсир кўрсатган.

«Бунинг учун эгалар билан муносабатларимнинг нархи жуда қиммат бўлди, чунки уларнинг ўша финалга ёндашуви бошқача эди. Финал якунланди, таътилга чиқдик. Мен қайтиб келганимда эса мени аллақачон ҳисобдан чиқариб қўйишганди. УЕФА мени ўзим жавобгар бўлмаган иш учун жазолаб, йўқ қилди», — дея Моуриньoнинг сўзларини Corriere dello Sport келтирди.

«Рома»дан кетганидан бир неча ой ўтиб, Моуриньo «Фенербахче» бош мураббийига айланган.