Моуриньо жиддий бошқотирмага дуч келди
Масала ечимини топиш керак
«Реал» бош мураббийи Жозе Моуринью 2026/2027 йилги мавсум олдидан жиддий тактик бошқотирмага дуч келди.
Испания нашри Marca хабар беришича, мутахассис жамоа асосий таркибида бир вақтнинг ўзида ҳам Жуд Беллингҳам, ҳам Арда Гюлерга жой топиш йўлини изламоқда. Муаммо шундаки, ҳар икки футболчининг энг кучли ўйнайдиган нуқтаси бир хил — ҳужумкор ярим ҳимоячи, яъни «ўнлик» позицияси.
Ҳозирча ярим ҳимоя чизиғидаги иерархияда Беллингем Ардадан юқори турибди. Шу билан бирга, Гюлер ёзги мавсумолди йиғинларида ўта ишонарли ўйин намойиш этди. Туркиялик футболчи «ўнлик» позициясини жуда яхши ҳис қилади ва Килиан Мбаппе билан ўзаро тушунуви Беллингемга нисбатан яхшироқ экани қайд этилмоқда.
Испания чемпионати биринчи турида «Реал» сафарда «Эспаньол»га қарши майдонга тушади. Учрашув шанба куни, 22 август санасида бўлиб ўтади.
Изоҳлар (0)