Моуриньо "Реал"да революция қиладими?

«Реал» жамоасининг янги бош мураббийи Жозе Моуринью таркибни тубдан янгилаш масаласида ўз позициясини аниқ баён қилди. Португалиялик мутахассис жамоада кескин инқилоб ёки оммавий "тозалаш" ўтказиш ниятида эмас.

Моуринью «Қироллик клуби»даги фаолиятини қаттиқ ва радикал қарорлардан бошлашни истамайди. У футболчиларга нисбатан кескин муносабатда бўлишдан йироқ. 

Аксинча, жамоани ўз атрофига бирлаштириш, мавжуд таркиб салоҳиятини янада очиш ва ҳар бир ўйинчидан максимал фойдаланишни мақсад қилган.

Эслатиб ўтамиз, Моуринью бу ёзда «Реал»ни қабул қилиб олди. Ундан олдин мураббийлик фаолиятини «Бенфика» клубида давом эттирган эди.