Mourin'yo Rodrigoga syurpriz tayyorlab qo'ydi

Madridning «Real» jamoasi braziliyalik vinger Rodrigo bilan yo‘llarini ajratishni rejalashtirayotgani yo‘q. Bu haqida futbol bo‘yicha ishonchli manba sifatida tanilgan insayder Fabrizio Romano xabar berdi.

Manba ma’lumotiga ko‘ra, yulduz futbolchi joriy mavsum oxirigacha «Santyago Bernabeu»da qoladi. Klub qishki transfer oynasida Rodrigoni ijaraga berish variantlarini ham ko‘rib chiqmaslikka qaror qilgan. 

Jamoa bosh murabbiyi Joze Mourinyo 2026/2027 yildgi mavsumning ikkinchi yarmida braziliyalik futbolchidan katta umid qilmoqda.

Hujumkor flang o‘yinchisi tizzasidan olgan jarohatidan so‘ng tiklanishni davom ettirmoqda. Qishga borib u maydonga qaytishi kutilmoqda.

25 yoshli futbolchi bilan tuzilgan shartnoma 2028 yil iyun oyi oxirigacha amal qiladi. Rodrigoning taxminiy bozor qiymati 45 million yevro atrofida baholanmoqda.