Моуриньо: Сен энди "Реал"да ўйнай олмайсан!

Мадриднинг «Реал» жамоаси бош мураббийи Жозе Моуриньо франциялик ярим ҳимоячи Эдуардо Камавингага ишонч билдирмаётгани айтилмоқда.

Бу ҳақда инсайдер Серхио Валентин ижтимоий тармоқларда хабар тарқатди.

Манба маълумотига кўра, Моуринью футболчи билан унинг келажаги ҳақида суҳбат ўтказган. Португалиялик мутахассис Камавингага жамоа асосий таркибига кириб бориши жуда қийин бўлишини очиқ айтган. 

Шу боис «Реал» раҳбарияти футболчини сотиш имкониятларини кўриб чиқаётгани қайд этилмоқда. Шу билан бирга, Камавинганинг ўзи Мадрид клубини тарк этишни истамаяпти.

Эслатиб ўтамиз, ўтган мавсум Испания Ла Лигасида 23 ёшли ярим ҳимоячи 29 та учрашувда майдонга тушган. У бир гол урган ва икки марта огоҳлантириш олган.