Моуриньо Муҳаммад Салоҳни “дабдала” қилганди

“Челси”нинг собиқ футболчиси Жон Оби Микел бугунги кунда Англия Премьер-лигаси юлдузларига айланган Муҳаммад Салоҳ ва Кевин де Брюйне нега “аристократлар” сафида ўзини кўрсата олмаганини айтиб берди.

- Муҳаммад Салоҳ ва Кевин де Брюйне жамоани Жозе Моуриньо бошқараётган даврда португалиялик мураббийга дуч келиб қолгани уларнинг омадсизилиги эди. Ўша пайтда ўз ишини уддалай олмаган футболчи борки, ким бўлишидан қатъи назар, Моуриньодан қаттиқ танқид эшитарди.

Бир марта Моуриньо танаффус пайтида Салоҳни йиғлатган. Биз бош мураббий иккинчи бўлимда унга яна имкон беради, деб ўйлагандик. Лекин Жозе ҳаммани олдида Салоҳни дабдаласини чиқарди ва дарров уни алиштириб юборди.   Ўшанда Моуриньонинг иш услуби шунақа эди.

Менимча, ҳозирги пайт бўлганида Моуриньо унақа қилмасди. Чунки ёшига ёш қўшилди, тажрибаси ортди ва ёш футболчилар билан қандай муомала қилишни яхши билади, - деди Жон Оби Микель.