Mourin'oni “Real”ga e'tirozi bor

“Real”ni qabul qilib olishi kutilayotgan Joze Mourinyo jamoaning hozirgi tarkibidan norozi va jamoani kuchaytirish kerak degan taklifni ilgari surdi, deb xabar bermoqda Marca nashri.

Avvalroq Madrid klubi murabbiy bilan ikki yillik shartnomaga kelishib olgani va “Benfika”ga 3 million yevro miqdorida tovon puli to‘lagani ma’lum bo‘lgan edi.

Marca ma’lumotiga ko‘ra, “Benfika” va “Real” o‘rtasidagi Chempionlar ligasi o‘yinlari Mourinyoga madridliklarning zaif tomonlarini ko‘rish imkonini bergan. Xususan, portugaliyalik mutaxassis jamoada aniq disbalans borligidan norozi. Uning fikricha, ayrim pozitsiyalarda futbolchilar juda ko‘p, boshqa pozitsiyalarda esa raqobat yetarli emas.

Shuningdek, Mourinyo jamoada sodir bo‘layotgan barcha jarayonlarni nazorat qilish va klub egalari qo‘llab-quvvatlashini his qilish muhim, deb hisoblagani uchun qarorlarni tashqi aralashuvsiz qabul qilish imkoniyatini istamoqda.