Моуриньо ҳимоячини "Реал"дан ҳайдаяпти

Мадриднинг «Реал» жамоасида тўп суриб келаётган марказий ҳимоячи Рауль Асенсио жамоанинг янги бош мураббийи Жозе Моуриньонинг режаларига тушмаяпти.

Португалиялик мутахассис 23 ёшли футболчи билан шахсан суҳбатлашиб, унга яқин мавсумда унга ишонч билдиришни режалаштираётгани йўқлигини айтгани ҳақида журналист Альберто Перейро хабар берди. 

Маълумотларга кўра, Асенсио клубни тарк этишни истамаган, бироқ ёзги трансфер ойнаси ёпилгунга қадар жамоани ташлаб кетишга мажбур бўлиши мумкин.

Эслатиб ўтамиз, ўтган йил июнь ойида Рауль Асенсио «Реал» билан 2031 йилгача мўлжалланган янги шартнома имзолаган эди. Transfermarkt портали баҳосига кўра, футболчининг трансфер қиймати 20 миллион евро атрофида. 

Унга Туркиянинг «Галатасарай» ва Италиянинг «Лацио» клублари томонидан қизиқиш билдирилаётгани айтилмоқда.