Мойес "Эвертон"га қария Вардини олиб келмоқчи

Англия футболида катта тажрибага эга ҳужумчи Жейми Варди учун кутилмаган йўналиш пайдо бўлди — унинг хизматларига «Эвертон» бош мураббийи Дэвид Мойес қизиқиш билдиргани хабар қилинмоқда.

Мойесни бундай қадамга боришга мажбур қилаётган асосий омил — жамоадаги оғир кадрлар вазияти. Ҳозирда унинг ихтиёрида бор-йўғи ўн саккиз нафар футболчи қолган, бу эса Англия премьер-лигасининг етакчи клублари билан тенгма-тенг курашиш учун жуда кам ҳисобланади.

Мойес Вардини «Эвертон» сафига таклиф қилиши мумкинлиги ҳақидаги хабарни инглиз таблоиди the Sun эълон қилди.

Эслатиб ўтамиз, «Лестер» таркибида Англия чемпиони бўлган Жейми Варди ҳозирда эркин агент мақомига эга. У яқинда Италиянинг «Кремонезе» клуби билан шартномасини бекор қилган эди.