Муҳаммад Мокаев калтакланди !!!

UFC нинг супер енгил вазн тоифасидаги Буюк Британиялик жангчиси Муҳаммад Мокаевга бўлажак рақиби португалиялик Манел Капа ҳужум қилди. Бу ҳақида ярим енгил вазн тоифасидаги жангчи, бразилиялик Жен Сильва маълум қилди.

"Манел Капе бироз олдин шу ерда эди ва у спорт залининг ташқарисида Мокаевни тирсаги билан уриб, бошини ёриб юборди. Бу воқеа UFC штаб-квартирасининг шундоққина олдида содир бўлди. Капе ҳақиқий психопат экан. Жанжал жойида руслар ҳам бор эди, лекин улар Мокаевга ёрдам беришмади. Улар Муҳаммаднинг калтакланишини шунчаки, томоша қилишди”, — дея Сильва сўзларини келтирган ММА Fighting.

Эслатиб ўтамиз, Мокаев(12-0-1 N/C) ва Капе(19-6) 18 август куни Манчестердаги "UFC 305" турнирида жанг ўтказиши режалаштирилган.