Мундиалдаги рақибимиз Манчестер клубига бормоқчи

«Манчестер Юнайтед» ёзги трансфер ойнасида ҳужум чизиғини кучайтиришни режалаштирмоқда. Indykaila News хабарига кўра, клуб скаутлари Португалия терма жамоаси ҳужумчиси Рафаэл Леау ўйинини яқиндан кузатмоқда.

Манбаларга таяниб берилган маълумотга кўра, 27 ёшли Леаунинг ўзи ҳам «Олд Траффорд»га кўчиб ўтиш ва «Манчестер Юнайтед» шарафини ҳимоя қилиш ғоясига мойиллик билдиряпти. 

Шу билан бирга, «Милан» жамоасига бош мураббий сифатида Рубен Аморим тайинланиши португалиялик футболчининг келажагига таъсир кўрсатиши мумкинлиги таъкидланмоқда.

Маълумот учун, нуфузли Transfermarkt портали Рафаэл Леау трансфер қийматини 50 миллион евро атрофида баҳоламоқда. Ҳужумчининг «Милан» билан амалдаги шартномаси 2028 йилнинг ўрталаригача амал қилади.