Мухлис кутилмаган подкат билан "Ювентус" юлдузини "синдирди"

«Ювентус» ҳимоячиси Федерико Гатти ёшлар жамоасига қарши ўртоқлик учрашуви пайтида мушак чўзилишига учради. Энг қизиғи, футболчига жароҳатни майдонга тушган мухлис етказган.

Учрашув давомида анъанага кўра «Ювентус» ишқибозларига футболчилар билан суратга тушиш ва суҳбатлашиш учун майдонга киришга рухсат берилган. 

Шу пайтда мухлислардан бири тезроқ югуришга уринган, аммо сирпаниб кетиб, орқадан Гаттига қўпол тарзда урилган ҳолат юзага келган.

Натижада Федерико Гатти мушак жароҳати олди ва энди у А Сериянинг 1-турида «Фрозиноне»га қарши ўйинни ўтказиб юборади.