MYu faqat bitta darvozabonni olib qoladi

“Manchester Yunayted” rahbariyati yozgi transferlar vaqtida o‘n yildan beri jamoa darvozasini qo‘riqlab kelayotgan David de Xeani sotib yuborishga qaror qildi.

Bosh murabbiy Sulsher katta maosh olayotgan darvozabonni sotuvga qo‘yishni taklif qildi va klub rahbariyati uning fikrini qo‘llab-quvvatladi.

Norvegiyalik murabbiy bundan buyon iste’dodli yosh darvozabon Din Xendersonga ishonch bildiradi.

Manchesterliklar Ispaniya terma jamoasining asosiy darvozabonini 50 million funtga baholamoqda. Shuningdek, klub Davidning transferga roziligini olish uchun ma’lum miqdorda kompensatsiya ham taklif qilmoqchi.

Bundan tashqari, “Manchester Yunayted” zaxira darvozabonlari Serxio Romero, Joel Pereyra va Li Grant ham javob berib yuboradi. Chunki klub darvozabonlarga har hafta 570000 ming funt maosh to‘lamoqda.