MYu Ispaniyadan darvozabon olib keladi

Sloveniya milliy terma jamoasi va "Atletiko" darvozaboni Yan Oblak hamon "Manchester Yunayted"ning transfer ro‘yxatida qolmoqda. Bu haqda "Todofichajes" nashri xabar bermoqda.

Manba ma’lumotlariga ko‘ra, "qizil iblislar" sloveniyalik posbonni o‘z saflariga qo‘shib olishga urinib ko‘rmoqchi. O‘z navbatida, Madrid klubi 32 yoshli darvozabonni 25-30 million evro evaziga qo‘yib yuborishga tayyor.

Oblakning Madrid klubi bilan amaldagi shartnomasi 2028 yil iyun oyining oxirida tugaydi. Ispaniya chempionatining joriy mavsumida darvozabon 21 ta o‘yin o‘tkazib, 14 ta gol o‘tkazib yuborgan. 11 ta uchrashuvda Oblak darvoza daxlsizligini saqlab qolgan.